Më 13.04.2016 me fillim nga ora 11:30, në objektin e IPK-së në Hajvali u nënshkrua protokolli për inspektim të përbashkët në mes të IPK-së dhe SHÇBA-së (Shërbimit për Çështje të Brendshme dhe Ankesa).

Ky nënshkrim i protokollit të inspektimit të përbashkët është vazhdimësi e aktiviteteve në kuadër të Memorandumit të mirëkuptimit për bashkëpunim në fushën e kontrollit të brendshëm dhe mbikëqyrjes policore, të nënshkruar nga Ministrat e Brendshëm të Republikës së Kosovës dhe Republikës së Shqipërisë në marsin e vitit të kaluar.

Nënshkrimi i protokollit për inspektim të përbashkët u bë në ambientet e IPK-së – sallën e konferencave nga Kryeshefi Ekzekutiv i IPK-së z. Fitim Shishani dhe Drejtori i Përgjithshëm i SHÇBA-së z. Arben Skendo.