Me organizimin e IPK-së dhe  DCAF nesër fillon “Seminari ndërkombëtar për mbikëqyrjen dhe kontrollin e Policisë”

Njoftohen të gjitha mediat se nesër (08.12.2015), me fillim nga ora 09:00, me organizimin e Inspektoratit Policor të Kosovës  në bashkëpunim me DCAF (Qendrën e Gjenevës për Kontroll Demokratik të Forcave të Armatosura), do të filloj “Seminari ndërkombëtar për mbikëqyrjen dhe kontrollin e Policisë”.

Seminari ndërkombëtar do të mbahet në Akademinë e Kosovës për Siguri Publike në Vushtrri dhe ka për qëllim të bashkoj përfaqësues të institucioneve për kontrollin dhe mbikëqyrjen policore nga shtete të ndryshme për të diskutuar praktikat aktuale dhe shkëmbimin e përvojave në fushën e kontrollit dhe mbikëqyrjes policore.

Pjesëmarrës në këtë seminar, përveç zyrtarëve nga institucionet e Republikës së Kosovës,  do të jenë edhe përfaqësues të institucioneve për mbikëqyrjen policore nga Franca, Hungaria, Irlanda, Norvegjia, Shqipëria, Holanda etj.

Data:    08.12.2015,

Ora :     09:00,

 Vendi:   Akademia e Kosovës për Siguri Publike në Vushtrri

 Ftohen të gjitha mediet të marrin pjesë në këtë ceremoni.

Shënim: Mediet mund të marrin pamje nga fjalët hyrëse me rastin e fillimit të seminarit ndërkombëtar  në AKSP – salla “Steve Bennett” (si dhe gjatë parakalimit të kadetëve).