Njoftohen të gjitha mediet se nesër (20.04.2016), me fillim nga ora 11:00, në objektin e Drejtorisë së Policisë në Kukës (Republika e Shqipërisë) pas një takimi të përbashkët  në mes agjencive mbikëqyrëse të policisë së Kosovës dhe Shqipërisë (IPK-së dhe SHÇBA-së) si dhe përfaqësuesve të policive kufitare të dy vendeve Republikës së Kosovës dhe Republikës së Shqipërisë.

Ky

inspektim

i përbashkët vjen pas nënshkrimit të  protokollit për inspektim të përbashkët  një javë më herët (më 13.04.2016) nga Kryeshefi Ekzekutiv i IPK-së z. Fitim Shishani dhe Drejtori i Përgjithshëm i SHÇBA-së z. Arben Skendo dhe është vazhdimësi e aktiviteteve  në kuadër të Memorandumit të mirëkuptimit për bashkëpunim në fushën e kontrollit të brendshëm dhe mbikëqyrjes policore, të nënshkruar nga Ministrat e Brendshëm të Republikës së Kosovës dhe Republikës së Shqipërisë në marsin e vitit të kaluar.

Prezent në këtë ngjarje do të jenë përfaqësues nga MPB-ja e Shqipërisë,  ICITAP-i Amerikan, zyrtarë të SHÇBA-së etj.

Data:    20.04.2016,

Ora :     11:00,

Vendi:   Drejtoria e Policisë në Kukës (Shqipëri)

Ftohen të gjitha mediet të marrin pjesë në këtë ngjarje.