Në objektin e Inspektoratit Policor të Kosovës sot përfundoi trajnimi pesë ditor “mbi analizën e riskut” në të cilin ligjërues ishin ekspertë nga misioni i OSBE-së.

Nga data 11 shkurt deri më 15 shkurt në objektin e IPK-së, misioni i OSBE-së mbajti trajnimin për “Analizën e riskut dhe vlerësimin e riskut të korrupsionit” ku u certifikuan 12 hetues dhe inspektor të IPK-së.

Ky trajnim ka për qëllim ngritjen e profesionalizmit të IPK-së në analizën e riskut dhe vlerësimin e riskut për korrupsion të zyrtarëve të Policisë së Kosovës duke përdorur metodologji konkrete të cilat do të identifikonin treguesit e hershëm të cilat mund të dërgonin pjesëtarët e Policisë së Kosovës në vepra korruptive.

Përmes këtij trajnimi IPK synon që kapacitetet e saj të ngritën deri në nivelin e analizave të detajuara për të ndërtuar qasje strategjike në ballafaqimin me veprat e supozuara korruptive të zyrtarëve policorë të cilët janë në mandatin e IPK-së për t’u hetuar dhe inspektuar si në aspektin organizativ ashtu edhe individual.

Duke pasur parasysh misionin ligjor të IPK-së, ky trajnim u vlerësua lart nga Inspektorati Policor.

Ceremonia e përfundimit së këtij trajnimi i cili u mbajt me përkrahjen e Misionit të OSBE-së në Kosovë, përfundoi me ndarjen e certifikatave për pjesëmarrësit si dhe mirënjohje për ekspertin – trajnerin e OSBE-së.