Komunikatë për media
Zyrtarë të lartë të IPK-së sot kanë përfunduar punëtorinë tre ditore për hartimin e “ Planit Zhvillimor Strategjik 2025-2027”.Kjo punëtori u mbajt në Pejë përderisa u përkrah nga Misioni i OSBE-së në Kosovë.
Ndër objektivat strategjike që Inspektorati Policor ishte i fokusuar në këtë dokument strategjik ndër të tjera ishte fuqizimi i rolit dhe kapaciteteve të Inspektoratit Policor të Kosovës që të sigurohet një polici e përgjegjshme, demokratike dhe transparente si dhe ushtrimi proaktiv i kompetencave ligjore të Inspektoratit Policor të Kosovës për të ngritur nivelin e integritetit në Policinë e Kosovës.
Në kuadër të planifikimeve për tri vitet e ardhshme IPK pritet të angazhohet edhe drejt fuqizimit dhe promovimit të partneritetit me institucionet vendore dhe ndërkombëtare.
IPK falënderon Misionin e OSBE-së për përkrahjen e dhënë për organizimin e punëtorisë tre ditore për hartimin e këtij dokumenti strategjik.