Komunikatë shtesë për medie
 IPK në operacionin e sotshëm arrestoi tre zyrtarë policorë
 Prishtinë, 07 maj 2026
Duke ju referuar operacionit të sotshëm të udhëhequr nga Prokuroria Themelore në Prishtinë, përkatësisht Departamenti për Krime të Rënda, në koordinim dhe bashkëpunim të ngushtë me Inspektoratin Policor të Kosovës (IPK) dhe Drejtorinë për Hetimin e Krimeve Ekonomike dhe Korrupsion, janë shoqëruar në objektin e IPK-së katër zyrtarë policorë të dyshuar në këtë rast.
Pas intervistimit tre zyrtarë policorë janë arrestuar dhe me vendim të Prokurorit u është caktuar masa e ndalimit për 48 orë kurse ndaj një zyrtari tjetër rasti do të vazhdoj në procedurë të rregullt.
Operacioni është realizuar në disa lokacione në Prishtinë, Fushë Kosovë dhe Obiliq në bazë të urdhëresës se Gjykatës Themelore në Prishtinë dhe ka përfshirë bastisjen e pesë (5) personave zyrtarë dhe dy (2) personave civilë/qytetarë, të dyshuar për përfshirje në veprimtari kriminale që lidhen me disa vepra penale.
Hetimet lidhur me këtë rast ndaj katër zyrtarëve policorë  janë duke u zhvilluar në koordinim me Prokurorinë Themelore në Prishtinë  me dyshimin për veprat penale “Keqpërdorim i pozitës apo autoritetit zyrtar”, “Shkelje e fshehtësisë së procedurës” dhe “Marrja e deklaratave me anë të shtrëngimit .
Në interes të hetimit IPK i ka rekomanduar Policisë së Kosovës suspendimin për 4 zyrtarët policorë të përfshirë si të dyshuar në këtë rast.
Hetuesit e IPK-së në konsultim të vazhdueshëm me prokurorinë pritet të ndërmarrin të gjitha veprimet e nevojshme hetimore në përputhje me ligjin.

Për detaje shtesë ju lutem i referoheni edhe komunikatës së parë lidhur me këtë rast si në vijim:
Prokuroria Themelore në Prishtinë, në bashkëpunim me IPK-në dhe Drejtorinë për Hetimin e Krimeve Ekonomike dhe Korrupsion, zhvillon aksion në Prishtinë, Fushë Kosovë dhe Obiliq
Prishtinë, 07 maj 2026- Prokuroria Themelore në Prishtinë, përkatësisht Departamenti për Krime të Rënda, njofton opinionin publik se, në koordinim dhe bashkëpunim të ngushtë me Inspektoratin Policor të Kosovës (IPK) dhe Drejtorinë për Hetimin e Krimeve Ekonomike dhe Korrupsion, janë duke u zhvilluar dy aksione të ndara në disa lokacione në Prishtinë, Fushë Kosovë dhe Obiliq.
Aksionet po realizohen në bazë të urdhëresës se Gjykatës Themelore në Prishtinë, për bastisjen e pesë (5) personave zyrtarë dhe dy (2) personave civilë/qytetarë, të dyshuar për përfshirje në veprimtari kriminale që lidhen me disa vepra penale, përfshirë: Keqpërdorimi i pozitës apo autoritetit zyrtar’’, sipas nenit 414 të Kodit Penal të Republikës së Kosovës, ‘’Shkelja e fshehtësisë së procedurës’’, sipas nenit 392 të KPRK-së, ‘’Marrja e deklaratave me anë të shtrëngimit’’ sipas nenit 194 të KPRK-së ‘’Keqpërdorimi i informatës zyrtare’’ sipas nenit 416 të KPRK-së, ‘’Mashtrimi’’, sipas nenit 323 të KPRK-së, ‘’Legalizimi i përmbajtjes së rreme’’ sipas nenit 395 të KPK-së, ‘’Marrja e ryshfetit’’ sipas nenit 421 të KPRK-së, dhe ‘’Dhënia e ryshfetit’’ të KPRK-së.
Sipas dyshimeve fillestare dhe veprimeve hetimore të ndërmarra deri në këtë fazë të hetimeve, të dyshuarit në bashkëveprim, dyshohen se janë përfshirë në aktivitete kriminale që lidhen me përfitime të kundërligjshme pasurore, përmes falsifikimit të dokumenteve pronësore dhe ndryshimit të paligjshëm të pronarëve të tyre.
Po ashtu, pesë (5) persona zyrtarë dyshohen se kanë keqpërdorur pozitën dhe autorizimet zyrtare, duke tejkaluar kompetencat e tyre ligjore me qëllim të mundësimit të përfitimeve të kundërligjshme pasurore.
Prokuroria Themelore në Prishtinë, në bashkëpunim me institucionet e tjera përkatëse, mbetet e përkushtuar në luftimin e kriminalitetit dhe korrupsionit, si dhe do të ndërmarrë të gjitha veprimet e nevojshme hetimore në përputhje me ligjin.

Prokuroria Themelore në Prishtinë në bashkëpunim me IPK-në dhe Drejtorinë për Hetimin e Krimeve Ekonomike dhe Korrupsion, zhvillon aksion në Prishtinë, Fushë Kosovë dhe Obiliq
Prishtinë, 07 maj 2026- Inspektorati Policor i Kosovës dhe Prokuroria Themelore në Prishtinë, përkatësisht Departamenti për Krime të Rënda, njofton opinionin publik se, në koordinim dhe bashkëpunim të ngushtë mes Inspektoratin Policor të Kosovës (IPK) dhe Drejtorinë për Hetimin e Krimeve Ekonomike dhe Korrupsion, janë duke u zhilluar dy aksione të ndara në disa lokacione në Prishtinë, Fushë Kosovë dhe Obiliq.
Aksionet po realizohen në bazë të urdhëresës se Gjykatës Themelore në Prishtinë, për bastisjen e pesë (5) personave zyrtarë dhe dy (2) personave civilë/qytetarë, të dyshuar për përfshirje në veprimatari kriminale që lidhen me disa vepra penale, përfshirë: Keqpërdorimi i pozitës apo autoritetit zyrtar’’, sipas nenit 414 të Kodit Penal të Republikës së Kosovës, ‘’Shkelja e fshehtësisë së procedurës’’, sipas nenit 392 të KPRK-së, ‘’Marrja e deklaratave me anë të shtrëngimit’’ sipas nenit 194 të KPRK-së ‘’Keqpërdorimi i informatës zyrtare’’ sipas nenit 416 të KPRK-së, ‘’Mashtrimi’’, sipas nenit 323 të KPRK-së, ‘’Legalizimi i përmbajtjës së rreme’’ sipas nenit 395 të KPK-së, ‘’Marrja e ryshfetit’’ sipas nenit 421 të KPRK-së, dhe ‘’Dhënia e ryshfetit’’ të KPRK-së.
Sipas dyshimeve fillestare dhe veprimeve hetimore të ndërmarra deri në këtë fazë të hetimeve, të dyshuarit në bashkëveprim, dyshohen se janë përfshirë në aktivitete kriminale që lidhen me përfitime të kundërligjshme pasurore, përmes falsifikimit të dokumenteve pronësore dhe ndryshimit të paligjshëm të pronarëve të tyre. 
Po ashtu, pesë (5) persona zyrtarë dyshohen se kanë keqpërdorur pozitën dhe autorizimet zyrtare, duke tejkaluar kompetencat e tyre ligjore me qëllim të mundësimit të përfitimeve të kundërligjshme pasurore.
Prokuroria Themelore në Prishtinë, në bashkëpunim me institiucionet e tjera përkatëse, mbetet e përkushtuar në luftimin e kriminalitetit dhe korrupsionit, si dhe do të ndërmarrë të gjitha veprimet e nevojshme hetimore në përputhje me ligjin.

IPK organizoi ceremoni me rastin e pensionimit të punonjësit z.Zhivorad Jovanoviç
Prishtinë/Hajvali, 29 prill 2026 
Me rastin e pensionimit të punonjësit z.Zhivorad Jovanovic, IPK sot organizoi ceremoni rasti në shenjë falënderimi për kontributin e tij për shumë vite në këtë institucion.
z. Jovanoviç iu bashkua IPK-së nga viti 2012 duke qenë ndër punonjësit e IPK-së i angazhuar në njësi të ndryshme të IPK-së kurse kohëve të fundit si hetues në Departamentin e Hetimeve.
Kryeshefi i IPK-së z. Kushtrim Hodaj në një fjalë rasti falënderoi z. Jovanoviç për angazhimin, përkushtimin dhe profesionalizmin e treguar për shumë vite në IPK.
Me këtë rast edhe i dorëzoi Zhivoradit një  mirënjohje të veçantë për angazhimin dhe profesionalizmin e treguar gjatë punës si hetues.
IPK i uron Zhivoradit shëndet duke e falënderuar për kontributin e dhënë në gjithë këto vite të angazhimit të tij.

IPK REKOMANDON SUSPENDIMIN DY ZYRTARËVE POLICOR
Hajvali, Prishtinë/, 28 prill 2026
Me datën 27.04.2026, IPK ka pranuar informata nga Policia e Kosovës se  në fshatin Mramor, Komuna e Prishtinës, ka pas të shtëna me armë dhe se personat e involvuar në këtë vepër penale janë zyrtarë policor, jashtë detyrës zyrtare, ndërsa vepra penale dyshohet është kryer me armën zyrtare të policisë.
IPK ka zhvilluar menjëherë veprime hetimore fillestare ndaj dy zyrtarëve policor nga Stacioni Policor “Veriu” Prishtinë, Drejtoria Rajonale e Policisë Prishtinë, të cilët janë të dyshuar vepër penale “Përdorimi i armës apo mjetit të rrezikshëm” dhe IPK ka rekomanduar suspendimin tyre.

Mitrovicë-Prizren, 27 prill 2026
Inspektorati Policor i Kosovës (IPK), me përkrahjen e Misionit të OSBE-së në Kosovë, ka përmbyllur me sukses dy punëtori rajonale të organizuara në kuadër të aktiviteteve për fuqizimin e integritetit profesional, rritjen e llogaridhënies institucionale dhe avancimin e standardeve të punës në Policinë e Kosovës.
Punëtoritë janë mbajtur në Mitrovicën e Jugut dhe në Prizren, duke mbledhur në secilën prej tyre mbi 25 zyrtarë/menaxherë policorë nga njësi të ndryshme të stacioneve policore dhe Drejtorive Rajonale Policore. Në këto aktivitete morën pjesë dhe kontribuuan gjithashtu përfaqësues nga Drejtoria për Hetime të Brendshme në kuadër të Policisë së Kosovës . 
Gjatë punëtorive u trajtuan tema të rëndësishme që lidhen drejtpërdrejt me performancën profesionale dhe etikën në punë, përfshirë integritetin profesional në raport me të drejtat e njeriut, menaxhimin e konfidencialitetit të informatave, si dhe komunikimin me qytetarët dhe ndikimin e tij në rritjen e besueshmërisë ndaj policisë.
Diskutimet ndërvepruese dhe shkëmbimi i përvojave ndërmjet pjesëmarrësve rezultuan në disa konkluzione që ndërlidhen me nevojën për forcimin e vazhdueshëm të kulturës së integritetit brenda strukturave policore, rolin e komunikimit profesional dhe transparent me qytetarët në ndërtimin dhe ruajtjen e besimit publik ndaj Policisë së Kosovës etj.
Këto punëtori janë pjesë e një cikli prej së paku tetë aktivitetesh të planifikuara për t’u realizuar në të gjitha Drejtoritë Rajonale Policore në Republikën e Kosovës, me qëllim të krijimit të një qasjeje të unifikuar dhe gjithëpërfshirëse në ngritjen e kapaciteteve profesionale dhe fuqizimin e integritetit institucional.
IPK falënderon Misionin e OSBE-së për përkrahje duke mbetur e përkushtuar në mbështetjen dhe organizimin  e aktiviteteve që kontribuojnë drejt një policie profesionale, transparente dhe të besueshme për qytetarët e Republikës së Kosovës.

Prishtinë, 23 prill 2026

Inspektorati Policor i Kosovës respektivisht hetuesit e  Departamentit të Hetimeve i kanë rekomanduar mbrëmë Policisë së Kosovës suspendimin e një zyrtari policor i angazhuar në Njësinë  e Komunikacionit Rrugor, Drejtoria Rajonale e Policisë në Prishtinë.
Fillimisht hetimet lidhur me këtë rast janë filluar nga Policia e Kosovës kurse pas dyshimeve për përfshirjen si të dyshuar edhe të një zyrtari policor, bazuar në fushëveprimin ligjor janë njoftuar edhe hetuesit e IPK-së.
Hetimet ndaj zyrtarit policor  janë duke u zhvilluar në drejtim të veprës penale “Ndihma në kryerjen e veprës penale” kurse pas konsultave me prokurorinë rasti  do të trajtohet në procedurë të rregullt.
Hetuesit e IPK-së në konsultim të vazhdueshëm me prokurorin përgjegjës pritet të ndërmarrin edhe veprime të tjera hetimore lidhur me këtë rast për të sqaruar rrethanat e këtij rasti.