Kushtrim Hodaj
Kryeshef Ekzekutiv
Kushtrim Hodaj u lind më 29.08.1984 në fshatin Gjonaj të Prizrenit, ku kreu dhe Shkollën fillore ndërkaq të mesmen në Prizren. Ka përfunduar Fakultetin Juridik në Universitetin e Prishtinës dhe studimet postdiplomike, ku ka marr titullin shkencor Master i shkencave Jurdiko – Penale. Gjithashtu ka përfunduar Shkollën për Komandë dhe Staf Policor të organizuar nga Universiteti për Siguri Publike Northwestern nga SHBA (School of Police Staff and Comand – Northwestern University for Public Safety, USA).<br /><br />Që nga viti 2007 ka punuar në Inspektoratin Policor të Kosovës, fillimisht si hetues i hetimeve disiplinore, nga viti 2010 hetues në hetime penale dhe që nga viti 2017 Udhëheqës i Departamentit për Planifikim, Bashkëpunim, Çështje Ligjore dhe Informim.<br />Kushtrim Hodaj nga Korriku i vitit 2020 deri në Dhjetor të të njëjtit vit ka ushtruar detyrën e Kryeshefit Ekzekutiv të IPK-së. Nga Dhjetori i vitit 2020 është emëruar Kryeshef Ekzekutiv i IPK-së.<br />Gjatë punës në IPK ka qenë pjesë dhe udhëheqës i shumë grupeve punuese për hartimin e akteve ligjore, nënligjore dhe dokumenteve strategjike në kuadër të Ministrisë së Punëve të Brendshme dhe jo vetëm.<br />Ka marrë pjesë në vizita studimore në vende të ndryshme të botës, ku është njohur me praktikat më të mira të institucioneve mbikëqyrëse dhe hetuese të Policive si: vizita në Departamentin e Policisë në San Antonio të Texasit në SHBA, si dhe Shërbimin e Kontrollit të Brendshëm të Ministrisë së Brendshme të Republikës së Kroacisë. Ka qenë pjesëmarrës në shumë takime bilaterale dhe diskutime mbi hartimin e marrëveshjeve të bashkëpunimit më institucionet homologe të Maqedonisë së Veriut, Shqipërisë dhe Malit të Zi. Ka qenë pjesëmarrës i konferencave vjetore të EPAC/EACN, Partnerët Evropian Kundër Korrupsionit në Riga të Letonisë, Vjenë të Austrisë dhe në Stokholm të Suedisë.<br /><br />Gjatë punës në Inspektoratin Policor të Kosovës ka marrë pjesë në dhjetëra trajnime profesionale, si dhe një numër të konsiderueshëm të trajnimeve të specializuara në fushën e hetimeve penale dhe të inspektimeve. Po ashtu për punën profesionale dhe kontributin e dhënë në IPK është dekoruar me mirënjohje dhe falënderime.<br /><br /><br />Modeli i IPK-së ofron një strategji radikale megjithatë reale drejt përpjekjes për të reduktuar dhe eliminuar korrupsionin dhe keqpërdorimet e mundshme nga ana e policisë.<br />