IPK rekomandoi suspendimin për një zyrtar policor të Stacionit Policor në Fushë Kosovë
Prishtinë, 4 shkurt 2026
Inspektorati Policor i Kosovës respektivisht hetuesit e  Departamentit të Hetimeve i kanë rekomanduar Policisë së Kosovës suspendimin e një zyrtari policor i angazhuar në Stacionin Policor të Fushë Kosovës.
Hetimet ndaj zyrtarit policor  janë duke u zhvilluar në drejtim të veprës penale “Sulm” kurse pas konsultave me prokurorinë rasti  do të trajtohet në procedurë të rregullt.
Incidenti raportohet të ketë ndodhur pas mesnatës në Fushë Kosovë kurse zyrtari policor i përfshirë si i dyshuar në këtë rast ka qenë jashtë detyrës zyrtare.
Hetuesit e IPK-së në konsultim të vazhdueshëm me prokurorin përgjegjës pritet të ndërmarrin edhe veprime të tjera hetimore lidhur me këtë rast për të sqaruar rrethanat e këtij incidenti.

Sot në ambientet e IPK-së në Hajvali, Kryeshefi i IPK- së Kushtrim Hodaj me bashkëpunëtorë, priti në takim Drejtorin e Përgjithshëm të PK-së Gazmend Hoxha dhe menaxhmentin e lartë të Policisë së Kosovës.
Në takim u diskuta për bashkëpunim ndërinstitucional dhe çështje me rëndësi që ndërlidhen me performancën me policore, rritjen e efikasitetit dhe fuqizimin e integritetit policor.
Palët u dakorduan për vazhdimin e takimeve dhe finalizimin e projekteve që do të ndikojnë në përmirësimin e mëtejmë të policimit bazuar në vlerat e një policie profesionale, të përgjegjshme dhe demokratike.